Er i Lywodraeth Cymru gadarnhau bod contractau TrawsCymru yn ei gwneud yn ofynnol i weithredwyr sicrhau bod 95% o wasanaethau yn rhedeg ar amser, mae Janet Finch-Saunders, Aelod Cynulliad Aberconwy, a Gweinidog Pobl Hŷn yr Wrthblaid, wedi canfod na lwyddodd 50% o wasanaethau i fodloni’r targed yn 2018/19.
Wrth ymateb i’r canfyddiad, dywedodd Janet:
“Mae trafnidiaeth gyhoeddus yn adnodd allweddol ar gyfer mynd i’r afael ag unigedd a newid hinsawdd.
“Mae TrawsCymru yn ffordd amgylcheddol gyfeillgar o deithio’n bell yng Nghymru, ond mae defnyddwyr gwasanaethau yn dioddef.
“Rydw i wedi clywed am etholwyr yn cael eu gadael heb fws yn troi i fyny ym Mhorthmadog, mae’n debyg bod 454 cwyn wedi eu gwneud rhwng 1 Tachwedd 2018 a 31 Hydref 2019, ac ni wnaeth 50 y cant o wasanaethau fodloni’r gofyniad cytundebol sy’n dweud bod yn rhaid i 95 y cant o wasanaethau fod ar amser yn 2018/19.
“Dyw hyn ddim yn ddigon da, ac mae’n tynnu sylw at y ffaith bod angen gweithredu ar unwaith i sicrhau bod teithio yn bell ar fws yng Nghymru yn ddibynadwy.
“Ar hyn o bryd, dyw’r gwasanaeth sy’n cael ei gyllido gan Lywodraeth Cymru ddim yn gwireddu ei botensial.
“Mae arian trethdalwyr yn cadw’r bysus hyn ar y ffyrdd, felly’r peth lleiaf y gallen ni ei ddisgwyl yw gwasanaeth boddhaol”.
DIWEDD
Cwestiwn ysgrifenedig i’r Cynulliad gan Janet Finch-Saunders AC:
Mewn perthynas â WAQ79062, all y Gweinidog nodi pa un o’r 12 darparwr gwasanaeth Traws Cymru fodlonodd y gofyniad sy’n nodi bod yn rhaid i 95 y cant o wasanaethau redeg ar amser yn 2018/19?
Ymateb gan Ken Skates AC, Gweinidog yr Economi a Thrafnidiaeth:
Yn ystod 2018/19, cofnodwyd bod y gwasanaethau TrawsCymru canlynol wedi bodloni targed y Comisiynydd Trafnidiaeth o redeg ar amser 95%: T1, T1C, T2, T3, T5, T12.