Yn gyson â’i gwaith ymgyrchu diweddar ar ran yr economi dwristiaeth ranbarthol, mae Janet Finch-Saunders AS – yr Aelod o’r Senedd dros Aberconwy – heddiw (04 Chwefror) wedi siarad am ei chynlluniau i gynnal cyfres o fforymau rhithwir ar gyfer darparwyr llety lleol.

Y gobaith yw y bydd y fforymau digidol hyn yn cynnig y cyfle i drafod yr heriau unigryw sy’n wynebu’r diwydiant, yn enwedig yn sgil Coronafeirws, gyda golwg ar lunio cynllun ar gyfer cryfhau’r sector, wrth i’r rhanbarth geisio adfer ar ôl digwyddiadau’r flwyddyn ddiwethaf.

Bydd y drafodaeth bord gron gyntaf yn archwilio effaith y pandemig Coronafeirws ar westai’r etholaeth, gydag anerchiadau i ddod gan Berin Jones, Cadeirydd Cymdeithas Lletygarwch Llandudno, a Jim Jones, Cyfarwyddwr Twristiaeth Go North Wales. Bydd dau ddigwyddiad pellach yn cynnal trafodaethau gyda thai llety a gwely a brecwast, ynghyd â llety hunanarlwyo a pharciau gwyliau.

Gan siarad cyn y tymor hwn o ddigwyddiadau digidol, dywedodd Janet:

“Gydol y pandemig, rwyf wedi bod yn falch iawn o gael cynnal trafodaethau rhithwir rheolaidd gyda darparwyr llety lleol. Nawr, bydd y fforymau bord gron rithwir newydd hyn yn rhoi cyfle unigryw a mawr ei angen i drafod y materion maen nhw wedi’u hwynebu yn ystod y flwyddyn ddiwethaf.

“Er y flwyddyn ddiwethaf, rwy’n credu bod Aberconwy yn parhau yn guriad calon i gynnig twristiaeth Cymru. Wedi’r cwbl, awgryma ffigurau cyn y pandemig bod budd economaidd twristiaeth y Sir yn werth oddeutu £900 miliwn, gyda thua 9.5 miliwn o ymwelwyr bob blwyddyn.

“Mae’r diwydiant yn creu swyddi hollbwysig sydd hefyd o fudd i’n detholiad gwych lleol o gaffis, bwytai ac atyniadau. Gyda chymorth cynrychiolwyr masnach lleol, dylai’r trafodaethau hyn ddatgelu pa gymorth sydd eu hangen i sicrhau bod y diwydiant yn cryfhau unwaith eto.

“Wrth i’r flwyddyn hon ddechrau, ac wrth i’r broses o gyflwyno brechlyn yn raddol arwain at wyliau gartref eto haf eleni, dydy hi ond yn iawn fod y diwydiant yn meithrin cynllun positif i adfer ei hun yn gryfach nag erioed. Argymhellaf yn frwd bod unrhyw ddarparwr sydd â diddordeb yn mynychu’r sesiwn berthnasol.”

Diwedd 

Nodiadau i Olygyddion:  

• Bydd y drafodaeth bord gron gyntaf hon ar gyfer gwestywyr lleol. Cynhelir y sesiwn hon rhwng 9:30 – 11:00am, ddydd Mercher 10 Chwefror, ar Microsoft Teams.
• Gofynnir i westywyr sydd â diddordeb e-bostio laura.thompson@senedd.cymru i archebu lle a derbyn manylion ymuno.
• Bydd dyddiadau ar gyfer sesiynau pellach yn cael eu cadarnhau maes o law, gyda’r gweithgareddau hyn yn cael eu hysbysebu drwy sianel cyfryngau cymdeithasol yr Aelod ac ar ei gwefan: www.janetfinchsaunders.org.uk