Heddiw (08 Hydref), mae'r Aelod o'r Senedd dros Aberconwy - Janet Finch-Saunders AS - wedi sôn am ei llawenydd wrth glywed y newyddion y bydd Trafnidiaeth Cymru yn adfer Gorsaf Dolgarrog fel arhosfan ar gais o ddydd Sadwrn ymlaen. Mae'r orsaf yn arhosfan heb staff ar Reilffordd Dyffryn Conwy o Gyffordd Llandudno i Flaenau Ffestiniog.

Wrth groesawu'r newyddion, dywedodd Janet:

“Rwy'n hynod falch bod Trafnidiaeth Cymru wedi gwrando ar bryderon pobl leol ac y bydd yn adfer Gorsaf Dolgarrog fel arhosfan ar gais o ddydd Sadwrn ymlaen. Mae hyn yn dilyn cyflwyno trên dosbarth 150 i'w ddefnyddio ar y lein hon. 

“O ystyried y ffaith bod rheilffordd Dyffryn Conwy wedi cael ei hailagor yn ddiweddar, bydd y newyddion hyn yn siŵr o dawelu meddwl pobl leol sydd wedi cael eu gorfodi'n rhy aml i ddefnyddio trafnidiaeth amgen ers y cydnabuwyd na fyddai'r trên dosbarth 153 yn ffitio ger y platfform newydd.

“Mae'r rheilffordd hon yn cynnig gwasanaeth allweddol sy'n cysylltu rhai o gymunedau mwyaf gwledig Conwy, felly rwyf wedi galw'n gyson am fuddsoddiad pellach i sicrhau ei dyfodol tymor hir. 

“Rhaid i ni adeiladu ar y datblygiad cadarnhaol hwn ar gyfer gorsaf Dolgarrog, a cheisio manteisio i'r eithaf ar y potensial sydd gan yr arhosfan i weithredu fel canolbwynt allweddol i gymuned Dolgarrog a'i hatyniadau pwysig i dwristiaid."

DIWEDD

Ffotograff: Patrick Hendry/UnSplash