Heddiw (23 Chwefror), croesawodd Janet Finch-Saunders AS – Aelod o’r Senedd Aberconwy – y newyddion bod gwaith ychwanegol wedi dechrau i ddatrys problemau gyda chroesfan Glan Conwy, gyda mesurau newydd wedi’u deddfu i sicrhau bod ceir wedi eu parcio’n cadw'n glir o'r llain welededd. Disgwylir i’r gwaith ffordd lleol bara tair wythnos i gyd.
Wrth groesawu’r datblygiad, dywedodd Janet:
“Yn sgil y pryderon lleol am ddiogelwch y groesfan sebra yng Nglan Conwy, roeddwn i’n falch iawn o gyflwyno achos ar unwaith i Lywodraeth Cymru a arweiniodd at gynnig cynllun newydd i sicrhau bod gyrwyr yn ymwybodol o’r groesfan mewn da bryd.
“Ers tua wyth blynedd bellach rwyf wedi bod yn gweithio gyda’r gymuned i sicrhau croesfan sebra ar gyfer Glan Conwy. Rydym ni wedi protestio, ac rwyf wedi ysgrifennu llythyrau a gofyn cwestiwn ar ôl cwestiwn i Weinidogion Llywodraeth Cymru. Rwy’n croesawu’r ffaith ei bod hi’n ymddangos bod yr holl bwyso yn dwyn ffrwyth.
“Wrth i’r gwaith hanfodol ac ychwanegol hwn gychwyn ar groesfan Glan Conwy, hoffwn ddiolch i’r Asiant Cefnffyrdd am eu cydweithrediad parhaus ar y mater hwn, sydd wedi arwain at ddatrys y mater yn gyflym a chlir er budd defnyddwyr ffyrdd a cherddwyr.
“Rwy’n gwerthfawrogi amynedd a chefnogaeth ddi-ben-draw preswylwyr Glan Conwy yn fy ngwaith yn deisebu dros y gwelliannau ffyrdd lleol hanfodol hyn. Anogaf bob preswylydd sydd ag unrhyw bryderon pellach ar faterion cysylltiedig i e-bostio fy swyddfa ar unwaith, er mwyn i ni allu cymryd camau’n ddi-oed.”
DIWEDD
Nodiadau i Olygyddion:
- Adroddwyd ar y newyddion am yr ymrwymiad i’r cynllun gyntaf yma: https://www.janetfinchsaunders.org.uk/news/aberconwy-ms-clinches-design-commitment-improve-road-safety-glan-conwy
- Mae gwaith diogelwch ffyrdd arall Janet ar gael yma..
Ffoto: Alexandria Gilliott ar Unsplash