Mae Janet Finch-Saunders AS – Aelod o’r Senedd dros Aberconwy – wedi croesawu cadarnhad gan Cyfoeth Naturiol Cymru y bydd swyddogion yn adolygu’r siâl cynyddol sydd wedi crynhoi ar wely’r afon ym Mhont Fawr ar Afon Conwy, yn dilyn ymweliad safle gan swyddogion CNC yr wythnos diwethaf.
Yn ystod y cyfarfod cydymffurfiaeth COVID-19, bu Mrs Finch-Saunders yn cynnal trafodaethau manwl ynghylch telemetreg a monitro lefelau lled yr afon ar hyd Afon Conwy. Nodwyd bod y o siâl sydd wedi crynhoi yng nghanol gwely’r afon bellach cynddrwg ag yr oedd yn 2016, ac mae’n bosib y bydd angen cael gwared ar gerrig er mwyn sicrhau bod system monitro lefel yr afon yn gweithredu’n iawn.
Gan roi sylwadau ar yr ymrwymiad gan CNC, dywedodd Janet:
“Yn ystod y llifogydd diweddar, mae’r lefelau dŵr uchaf erioed wedi’u cofnodi ym Mhont Fawr ar Afon Conwy. Mae hyn yn amlwg yn achosi pryder mawr ynghylch sefydlogrwydd pont hanesyddol Llanrwst, y caffi a glan yr afon.
“Am y rheswm hwn, trefnais ymweliad safle cydymffurfiaeth COVID gyda swyddogion o Cyfoeth Naturiol Cymru i gynnal trafodaethau manwl am y delemetreg a monitro lefelau lled yr afon ar hyd Afon Conwy.
“Rwy’n croesawu’r cadarnhad y bydd CNC yn parhau i adolygu faint o siâl sy’n crynhoi ar wely’r afon ym Mhont Fawr fel rhan o friff gwylio, er mwyn penderfynu a oes rhaid symud cerrig er mwyn i’r system fonitro weithredu’n iawn.
“Ond dydy cyrraedd y pwynt o glirio’r siâl ddim yn syml o bell ffordd. Ar ôl asesiad cychwynnol, byddai angen cyllid a chaniatâd i ddefnyddio maes parcio lleol. Mae cyfyngiadau hefyd ar wneud gwaith o’r fath.
“Rwy’n barod i helpu CNC os oes angen cael gwared ar y siâl. Roedd hi’n hollbwysig sicrhau’r ymrwymiad hwn am adolygiad, cyn misoedd y gaeaf, o ystyried hanes yr ardal o lifogydd.”
DIWEDD
Ffoto: Janet Finch-Saunders AS yn cadw pellter cymdeithasol yn ystod yr ymweliad safle ddydd Gwener diwethaf.