Heddiw (03 Tachwedd), mae Janet Finch-Saunders AS – Aelod o’r Senedd dros Aberconwy – wedi erfyn ar Lywodraeth Cymru i ddarparu cyllid ychwanegol i Gyngor Bwrdeistref Sirol Conwy er mwyn iddynt allu ailagor y grant dewisol, yn dilyn y newyddion bod y cynllun wedi ei ymrwymo’n llawn ddiwedd yr wythnos diwethaf.

Meddai Janet:

“Er gwaethaf honiadau cyson Gweinidog yr Economi y gall busnesau elwa o hyd ar gymorth cyllid sydd ar gael fel rhan o gynllun clo’r Gronfa Cadernid Economaidd, caewyd y Grant Dewisol yn fy etholaeth ar gyfer ceisiadau pellach ddydd Iau, gan fod y cyllid a ddyrannwyd i Gonwy gan Lywodraeth Cymru wedi ei ymrwymo’n llwyr.

“Rwy’n andros o siomedig fod Llywodraeth Cymru yn meddwl ei bod hi’n iawn troi’r holl beth yn ras am gymorth i bob diben, gan achosi poen a dryswch diangen. Roedd hyn yn gwbl annerbyniol, ac mae fy musnesau’n haeddu esboniad pam eu bod wedi rhoi’r lol y cyntaf i’r felin ar waith.

“Er mwyn sicrhau cydbwysedd, tegwch a chymesuroldeb, rwy’n erfyn ar Lywodraeth Cymru i fynd ati ar unwaith i ddarparu cyllid ychwanegol i Gonwy er mwyn i ni allu ailagor y grant dewisol ar gyfer ceisiadau. Mae’n rhaid darparu cymorth er mwyn i fusnesau bach Conwy allu goroesi’r cyfnod hwn.

“Mae busnesau a swyddi yn y fantol. Mae’n rhaid i Ken Skates adolygu faint o arian sy’n cael ei ddarparu i Gonwy ar unwaith, yn enwedig gan fod drysau sawl busnes lleol wedi bod ar gau ers dechrau mis Hydref.  Ni ddylai perchnogion busnesau Conwy gael eu hanwybyddu.”

DIWEDD 

Nodiadau i Olygyddion: 

• I weld hysbysiad cau’r cynllun grant, cliciwch yma.