Heddiw (16 Mawrth), mae'r Aelod o’r Senedd dros Aberconwy – Janet Finch-Saunders AS – wedi nodi Diwrnod Gweithredu Gofalwyr Ifanc 2021 drwy bwysleisio'r angen i hybu mynediad at addysg ôl-16, gan gynnwys drwy gyflwyno cynllun tocynnau teithio rhatach a Grant i Ofalwyr Ifanc y Dyfodol o £60 yr wythnos.

Mae Diwrnod Gweithredu Gofalwyr Ifanc yn ddigwyddiad blynyddol dan arweiniad yr Ymddiriedolaeth Gofalwyr. Mae'n codi ymwybyddiaeth ac yn galw am weithredu i gynyddu'r cymorth i bobl ifanc sydd â chyfrifoldebau gofalu. Gallwch gael rhagor o wybodaeth drwy fynd i https://carers.org/young-carers-action-day-2021/diwrnod-gweithredu-gofalwyr-ifanc-2021.

Wrth ddathlu gofalwyr ifanc Aberconwy, dywedodd Janet:

"Mae gan ofalwyr ifanc, ar draws Aberconwy a Chymru, lawer iawn o gyfrifoldeb ar eu hysgwyddau, felly gallaf ddychmygu pa mor ofidus y gall fod pan nad yw unigolion yn deall eu rôl yn llawn – ffaith bryderus a danlinellwyd ymhellach yn ystod y pandemig.

"Wrth ofalu am eu hanwyliaid, yn aml ar ben ymrwymiadau eraill, mae ein gofalwyr ifanc wedi datblygu sgiliau gwerthfawr fel gwydnwch, rheoli amser ac empathi. Y thema eleni yw diogelu dyfodol gofalwyr ifanc, gan hyrwyddo'r sgiliau hyn i ddatgloi cyfleoedd pellach.

"Gall pob un ohonom chwarae rôl gefnogol, o ysgolion i gyflogwyr. Fel ffordd o gydnabod y pwysau y mae ein gofalwyr ifanc yn eu hwynebu, a sicrhau y gellir datblygu'r sgiliau hyn drwy addysg a lleoliadau gwaith, rwyf wedi bod yn dadlau dros gyflwyno cynllun tocynnau teithio rhatach a Grant ar gyfer Dyfodol ein Gofalwyr Ifanc o £60 yr wythnos."

Diwedd