Wrth i ni edrych ymlaen at 2021 rhaid i ni beidio ag anghofio am waith rhagorol ein busnesau a'u staff. Mae Janet Finch-Saunders, Aelod o Senedd Cymru dros Aberconwy, yn galw ar bawb i addunedu i gefnogi busnesau lleol yn 2021.

Dywedodd Janet:

“Busnesau bach lleol yw asgwrn cefn ein cymunedau, a dylem ei gwneud yn genhadaeth i gefnogi eu dyfodol.

“Mae Aberconwy wedi'i bendithio â chymysgedd gwych o fentrau, o ffermydd i gigyddion, gwinllan i stondinau llysiau, siopau crefft i gaffis, bwytai a thafarndai, llety ymwelwyr a llawer mwy.

“Gydol 2020, roeddem yn gallu dibynnu ar siopau a chynhyrchwyr lleol am eitemau hanfodol, bwyd a rhoddion.

“Yn wyneb y pandemig, mae busnesau bach wedi arallgyfeirio i fod yn llefydd diogel rhag Covid ac wedi ein galluogi i gael gafael ar y nwyddau rydym eu hangen ac yn eu mwynhau.

“Er fy mod i'n gobeithio y bydd yr argyfwng iechyd presennol yn gwella wrth gyflwyno'r brechlyn fesul tipyn, gadewch i ni gofio'r hyn a wnaeth busnesau lleol drosom a pharhau i'w hybu a'u hyrwyddo.

“Yn bersonol, drwy fy rôl fel y Gweinidog Cysgodol dros Newid yn yr Hinsawdd, Ynni a Materion Gwledig, byddaf yn ymroi i sicrhau fframwaith 'cynnyrch Cymru' ar gyfer amaethyddiaeth a fydd yn caniatáu i ffermio a chynhyrchu bwyd ffynnu mewn marchnad ôl Brexit.

“Ar ben hynny, rwy'n benderfynol o barhau i ddefnyddio'r liferi sydd gennyf i roi hwb i fusnesau fel nad oes unrhyw gostau diangen yn eu dal yn ôl unwaith y bydd Llywodraeth Cymru yn caniatáu iddyn nhw fasnachu eto”.

FIN