Yn dilyn pryderon sylweddol a godwyd gan Janet Finch-Saunders, Aelod o Senedd Cymru Aberconwy, am lwybr yr arfordir ym Mhen Morfa, mae’r Aelod wedi croesawu’r cyhoeddiad bod Cyngor Bwrdeistref Sirol Conwy wedi sicrhau cyllid i symud y llwybr cenedlaethol i’r llwybr ar frig y twyni.

Mae gwaith i symud yr hawl tramwy gyhoeddus ar frig y twyni yn cychwyn yr wythnos hon. Bydd y llwybr ar hyd ymyl y cwrs golff yn cael ei wella a bydd yn cael gwell arwyneb a bydd mwy o arwyddion yn cael eu gosod yno. Bydd cerddwyr yn gallu dilyn llwybr arfordir Cymru ar ben y trwyni a bydd beicwyr yn gallu defnyddio’r llwybr Teithio Llesol newydd rhwng Pen Morfa a Deganwy sy’n mynd ar hyd Heol Maesdu.

Gan gyfeirio at y gwaith, dywedodd Janet:

“Cymru oedd y wlad gyntaf i gael llwybr di-dor ar hyd arfordir cenedlaethol, felly roedd y darn ym Mhen Morfa yn peri pryder yn lleol ac yn genedlaethol.

“Fel y mae Llywodraeth Cymru a Chyngor Bwrdeistref sirol Conwy yn gwybod, rydw i wedi cael nifer o gwynion, yn cynnwys cwynion am bobl mewn cadeiriau olwyn sy’n methu â defnyddio’r llwybr.

“Rydw i wrth fy modd ein bod wedi dod o hyd i ateb i’r broblem hirhoedlog hon, a bydd gennym unwaith eto lwybr arfordirol cyflawn yma yn Llandudno.

“Hoffwn ddiolch i Gyngor Conwy am ymrwymo i ddatrys problem genedlaethol yr oedd Llywodraeth Cymru yn gyndyn iawn o’i datrys yn dilyn cais am gymorth”.

DIWEDD

Ffotograff:

• Janet Finch-Saunders AS (y llun wedi’i gymryd cyn pandemig Covid-19)