Heddiw (8 Gorffennaf), anogodd Janet Finch-Saunders AS - Gweinidog Plant a Phobl Ifanc yr Wrthblaid y Ceidwadwyr Cymreig - Lywodraeth Cymru i wneud mwy i gefnogi dysgwyr sydd wedi’u hallgau’n ddigidol.

Daeth ei ymyrraeth gan fod nifer o’r plant hyn yn dal i aros am ddarpariaeth technoleg angenrheidiol sy’n ofynnol i’w galluogi i ymgysylltu â’r cwricwlwm ysgol o’u cartrefi.

Yn siarad ar ôl iddi holi Gweinidog Addysg Cymru, dywedodd Janet:

“Mae llawer o rieni wedi cysylltu â mi i ddweud eu bod wedi cael trafferth cael gafael ar gyfleusterau addysgu ar-lein yn ystod y misoedd diwethaf, gan gynnwys gwarcheidwaid un plentyn sy’n dal i aros i dderbyn gliniadur hirddisgwyliedig gan yr awdurdodau perthnasol.

“Er fy mod yn croesawu cyhoeddiad Llywodraeth Cymru y bydd £1 miliwn pellach yn cael ei ddyrannu i gefnogi plant i ail-ymgysylltu ag addysg dros wyliau’r haf, mae cwestiynau pwysig i’w hateb o hyd o ran sut y bydd yr ail-ymgysylltu hwn yn digwydd.

“Gydag adroddiad arolwg diweddar yn datgelu mai dim ond 1.9% o fyfyrwyr a dderbyniodd bedair gwers y dydd ers dechrau’r cyfyngiadau symud, mae pryderon mawr y bydd cenhedlaeth gyfan o’n pobl ifanc mewn perygl o fethu targedau addysgol.

“Gan fod pandemig COVID-19 yn fygythiad cynyddol i gyrhaeddiad addysgol ein plant, dylai Llywodraeth Cymru osgoi gwaethygu hyn drwy allgau’n ddigidol y plant hynny  ymhellach am nad ydyn nhw’n gallu cael mynediad at y rhyngrwyd.”

DIWEDD