Mae Janet Finch-Saunders AS – yr Aelod o’r Senedd dros Aberconwy – wedi dweud ei bod yn pryderu am nad oes map clir ar gyfer ailagor a bod hyn yn effeithio ar iechyd meddwl perchnogion busnesau lleol.
Fel yr adroddwyd ym Maromedr Twristiaeth Cymru ym mis Mawrth 2021 nododd bron i hanner y perchnogion busnesau a holwyd eu bod yn dioddef mwy o straen a bod 20% wedi colli cynilion yn eu hymdrech i gynnal eu busnesau. Ymddengys fod perchnogion yn y Gogledd wedi cael eu taro'n arbennig o galed gan straen, gyda 60% yn nodi cynnydd.
Wrth fynd i'r afael â'r argyfwng iechyd meddwl hwn, dywedodd Janet:
"Gyda'r baromedr hwn yn cydnabod bod tua 19% wedi colli eu cynilion eu hunain wrth geisio cynnal eu busnes, a 97% o ymatebwyr yn dweud bod llai o dderbynion yn 2020, nid yw’n syndod o gwbl bod cynifer yn sôn eu bod yn dioddef gyda’u hiechyd meddwl.
"Mae'r ffaith bod tri o bob pedwar gweithredwr yn y Gogledd yn cymryd archebion ymlaen llaw yn dangos pa mor benderfynol a dyfalbarhaus yw’r diwydiant, a bod y Gogledd yn parhau’n gyrchfan gwyliau hynod atyniadol. Ac eto, mae llawer heb gael dyddiad ar gyfer ailagor.
"Er bod Lloegr a'r Alban fel ei gilydd wedi cyhoeddi mapiau manwl ar gyfer ailagor, mae'r diwydiannau craidd hyn yng Nghymru yn parhau yn y niwl. Mae'n hollbwysig bod dyddiad yn cael ei roi i'r bobl hyn sy’n creu swyddi, pe bai ond i liniaru ar y poen meddwl sy’n deillio o’r ansicrwydd hyn."
Diwedd
Nodiadau i Olygyddion:
- Gellir dod o hyd i Faromedr Twristiaeth Cymru ym mis Mawrth 2021 yma.
Llun: Janet Finch-Saunders AS/AS