Mae Janet Finch-Saunders AS – Aelod o’r Senedd dros Aberconwy – wedi ymweld â Chanolfan Masnach Deg Kingdom Krafts yn Llandudno. Daeth ymweliad Mrs Finch-Saunders fel rhan o’i thaith fusnes o’r etholaeth, ar ôl ymweld â mentrau lleol yn Llanrwst a Betws-y-Coed.
Mae Canolfan Masnach Deg Kingdom Krafts wedi bod ar agor ers 2002. Mae dwy eglwys leol yn Llandudno, Canolfan Gristnogol Emmanuel ac Eglwys Unedig Gloddaeth, yn gweithio mewn partneriaeth i hwyluso gwaith a thwf y siop. Mae dau reolwr rhan-amser, ynghyd â llond llaw o wirfoddolwyr yn rhan o’r tîm.
Gan roi sylwadau ar ei hymweliad, dywedodd Janet:
“Roedd hi’n braf iawn ymweld â’r gwragedd cyfeillgar a chroesawgar yng Nghanolfan Masnach Deg Kingdom Kraft, sy’n enghraifft berffaith o ewyllys da, wrth iddyn nhw barhau i gefnogi’r bobl hynny sy’n byw mewn tlodi. Mae’r ffaith bod eu siop hyfryd yn llawn danteithion hyfryd yn fonws go iawn.
“Hefyd, mae Kingdom Kraft yn enghraifft wych o sut mae mentrau lleol wedi datblygu a ffynnu gydol cyfnodau economaidd anodd, ar ôl arallgyfeirio o werthu llenyddiaeth Gristnogol i gadw ystod eang o fwyd, rhoddion, offer swyddfa a nwyddau cartref Masnach Deg.
“Rwy’n annog preswylwyr Aberconwy i ddal ati i gefnogi busnesau lleol fel Canolfan Masnach Deg Kingdom Kraft wrth i ni ddal ati i chwarae ein rôl hollbwysig o sicrhau bod y stryd fawr yn goroesi.
“Rydw i wedi clywed bod paned o de neu goffi Masnach Deg, gyda chacen gartref, ar gael wrth i chi bori drwy’r eitemau sydd ar werth. Efallai y byddwch hyd yn oed yn dod ar draws ambell anrheg Nadolig i’r sach!”
DIWEDD
Nodiadau i Olygyddion
- Am ragor o wybodaeth am Ganolfan Masnach Deg Kingdom Kraft, ffoniwch 01492 877995 neu ewch i www.fairtradeandchristianshop.wales