Mae Janet Finch-Saunders, Aelod o'r Senedd dros Aberconwy, wedi gweld Llywodraeth Cymru yn gwneud cam cadarnhaol tuag at gyflawni ei galwadau am Gronfa Datblygu Sioeau Gwledig. Ysgrifennodd yr Aelod at Lywodraeth Cymru yn gynharach y mis hwn yn amlinellu'r angen i greu Cronfa a fyddai'n:
- Sicrhau bod grantiau ar gael i bob sioe i helpu gyda gwaith marchnata, mesurau diogelwch Covid-19, a hyd yn oed mwy o arallgyfeirio;
- Cynnwys cyfres o ganllawiau gweithredol ar gyfer sioeau amaethyddol fel y gallant ailsefydlu'n hyderus;
- Gweld Croeso Cymru yn cyhoeddi 'Taith sioeau amaethyddol Cymru' – gan annog pobl i fynychu'r digwyddiadau hyn lle gellir dysgu cymaint am ffermio, bwyd a chrefft.
Erbyn hyn, mae Lesley Griffiths AS, Gweinidog yr Amgylchedd, Ynni a Materion Gwledig wedi ymateb: · Mae wedi derbyn holl argymhellion yr Adolygiad o gadernid sioeau amaethyddol;
- Bydd cronfa arloesi newydd yn cael ei lansio, yn ogystal â phecyn hyfforddi achrededig newydd ar gyfer unigolion sy'n gweithio neu'n gwirfoddoli gyda chymdeithasau sioeau;
- Mae ei swyddogion wrthi'n datblygu canllawiau ar gynnal digwyddiadau awyr agored unwaith eto;
- Bydd swyddogion yn gweithio gyda Croeso Cymru dros y misoedd nesaf.
Wrth sôn am y gefnogaeth i sioeau gwledig, dywedodd Janet:
“Fel yr amlygodd adroddiad yr Adolygiad o Gadernid, mae angen ystyried darparu rhywfaint o gymorth ariannol i sicrhau bod sioeau'n goroesi. Dyma gyfle i arloesi, a dylai Croeso Cymru fod yn hybu'r digwyddiadau hanfodol hyn.
“O sioeau bach â dim ond costau yswiriant i'w talu ar ôl canslo, i ddigwyddiadau undydd a mwy ar raddfa fawr sy'n wynebu colledion sylweddol, dylai cymorth grant fod ar gael. Yn anffodus, mae'r £25,000 sydd ar gael i Gronfa Arloesi Sioeau Amaethyddol yn cyfyngu ar uchelgais”.
“Digwyddiadau, fel Sioe Wledig Llanrwst a Sioe Eglwysbach, yw pinacl y flwyddyn i lawer o'n trefi a'n pentrefi gwledig. Trwy weithredu fy nghynigion, gobeithio y bydd y cymunedau hyn yn cael eu grymuso i barhau â'r traddodiadau i'r dyfodol.”
DIWEDD