Heddiw (12 Awst), mae Janet Finch-Saunders AS Aelod Senedd Cymru Aberconwy wedi croesawu ymrwymiad gan Gyngor Bwrdeistref Sirol Conwy i agor ardal chwarae yn Llanrwst mewn ffordd ddiogel, unwaith y bydd gwelliannau’n cael eu gwneud i’w gyflwr presennol.

Cafodd y parc ei gau yn dilyn llifogydd ar 9 Chwefror 2020, ac roedd yr arwyneb chwarae dan ddŵr yn gyfan gwbl, roedd silt a malurion wedi gwasgaru, yn ogystal â difrod i’r cyfarpar chwarae. Yn ôl swyddogion y Cyngor, roedd y peiriannau dŵr yn dal i fod yno ym mis Mawrth pan gyflwynwyd cyfyngiadau symud COVID-19.

Gan sôn am y cyhoeddiad, meddai Janet:

“Diolch i’r cydweithio gwych a welwyd yn y gymuned leol, rydw i’n croesawu’r newyddion y bydd Cyngor Bwrdeistref Sirol Conwy’n gosod matiau yn ardal chwarae Pen y Dre cyn ailagor unwaith y mae’r gwaith atgyweirio wedi’i gwblhau.

“Bydd y parc yn cael sylw hefyd gan gontractwyr a fydd yn clirio ac ailblannu’r safle. Roedd yn gwbl gywir i’r trigolion deimlo’n anhapus o weld y gordyfiant a’r malurion wedi’i gwasgaru amgylch y parc, ac felly roeddwn yn falch o hwyluso’r gwaith o gysylltu â’r Cyngor er mwyn datrys y mater.

“Mae Cyngor Bwrdeistref Sirol Conwy wedi ymrwymo i ymchwilio i adleoli’r safle o bosibl, yn y tymor hirach, er mwyn atal difrod gan lifogydd yn y dyfodol. Ar hyn bryd mae adolygiad yn cael ei gynnal i gyfleusterau o’r fath ar hyd a lled sir Conwy.

“Mae’n hanfodol ailagor y parc chwarae mewn ffordd ddiogel, mor gyflym â phosibl, yn enwedig ar adeg o boeni mawr i’r cyhoedd. Mae nifer o weinyddiaethau llywodraethol wedi nodi pwysigrwydd ymarfer corff i ostwng y risg o COVID-19, byddai cau’r cyfleuster hwn yn rhwystr gwirioneddol ac yn atal trigolion lleol rhag ymarfer.”

DIWEDD