Bu galwadau am adolygu effeithiolrwydd Busnes Cymru. Mae hyn yn dilyn canfyddiad Janet Finch-Saunders, Aelod Cynulliad dros Aberconwy a Chadeirydd y Grŵp Trawsbleidiol ar Siopau Bach, mai dim ond 77 menter newydd y mae Busnes Cymru wedi helpu i greu mewn 57 mis.
Meddai Janet am ei chanfyddiad:
“O gofio mai adran Llywodraeth Cymru a sefydlwyd i gynorthwyo busnesau yw Busnes Cymru, dylai fod yn cyflawni llawer mwy.
“Er fy mod yn croesawu’r ffaith fod 77 menter newydd wedi’u cefnogi yn Aberconwy mewn ychydig dros 4 blynedd, mewn etholaeth â thua 45,000 o bleidleiswyr cofrestredig, dylai Llywodraeth Cymru fod yn meithrin hyd yn oed yn fwy.
“Mae’n destun siom nad hwn yw’r tro cyntaf i mi siarad am yr angen i Busnes Cymru fod yn fwy effeithiol yn Aberconwy.
“Y llynedd fe nodais fod y Prif Weinidog yn fodlon â’r ffaith fod Busnes Cymru ddim ond wedi helpu 23% o’r rhai a ymatebodd i’m harolwg, a thua 0.3% (853 o 253,600) o fusnesau yng Nghymru dros gyfnod 3 blynedd.
“Busnes yw asgwrn cefn ein gwlad.
“Mae’r swyddi a’r arian sy’n cael eu creu yn helpu i ariannu’r gwasanaethau cyhoeddus rydym yn dibynnu arnynt, felly mae’n dda gennyf barhau i herio Gweinidog yr Economi a Thrafnidiaeth ynglŷn â chamau gweithredu posibl i roi hwb i fusnesau yn yr ardal”.
DIWEDD
Cwestiwn ysgrifenedig yn y Cynulliad gan Janet Finch-Saunders AC:
Ymhellach i’r cyfarfod llawn ar 4 Rhagfyr 2019, a wnaiff y Gweinidog ddweud faint o’r 740 o fentrau newydd a sefydlwyd gyda chymorth Busnes Cymru sydd wedi’u lleoli yn Aberconwy?
Ymateb gan Ken Skates AC:
Yn ystod cam presennol ei ddarpariaeth, ers mis Ebrill 2015, mae Busnes Cymru wedi helpu i greu 77 menter newydd yn Aberconwy.
Ymateb gan Janet Finch-Saunders AC:
Ymhellach i WAQ79237 a’r ffaith mai dim ond 77 menter newydd y mae Busnes Cymru wedi helpu i greu mewn 57 mis, a fydd y Gweinidog yn adolygu gwaith Busnes Cymru er mwyn nodi sut y gallai’r tîm helpu i sefydlu hyd yn oed mwy o fusnesau yn Aberconwy?
Nodiadau: