Heddiw (24 Mawrth) mae Janet Finch-Saunders, yr Aelod o’r Senedd dros Aberconwy, wedi pwyso ar Lywodraeth Cymru i wella ymwybyddiaeth o gyfleoedd yn y Gogledd, fel rhan o’i hymdrech i gael cyllid ar gyfer Ysgol Feddygol barhaol yng Ngogledd Cymru.  

Mewn Datganiad Ysgrifenedig yr wythnos ddiwethaf, cadarnhaodd Gweinidog Iechyd Cymru bod cyfanswm o 18 o fyfyrwyr wedi ymuno yn 2020/21, gostyngiad o’r 19 o fyfyrwyr a gychwynnodd eu hastudiaethau ar y Rhaglen C21 ar gyfer 2019/20. Mae Mrs Finch-Saunders yn dadlau y byddai Ysgol Feddygol i Ogledd Cymru yn gam pwysig er mwyn mynd i'r afael a'r rhestrau aros i gleifion lleol. 

Meddai Janet ar ôl rhoi ei chwestiynau gerbron y Gweinidog:  

“Dylai cyflymu’r gwaith o ddatblygu ysgol feddygol I Ogledd Cymru, fod yn gam mawr yn y broses o fynd i’r afael ag argyfwng y rhestrau aros cynyddol ar hyd a lled y rhanbarth. Nid fi yw’r unig un sy’n credu hyn, gan fod Coleg Brenhinol Meddygon Cymru hyd yn oed yn cefnogi’r galw i ehangu’r ysgol feddygol ers amser maith.  

“Fel y dywedodd Coleg Brenhinol Meddygon Cymru wrthyf yr wythnos hon, mae yna fylchau sylweddol parhaus yn y rota ar gyfer hyfforddeion ym mhob un o’n hysbytai, a fydd hyn ddim yn gallu parhau gan ei fod yn cael effaith uniongyrchol ar ansawdd gofal cleifion. Dyna pam dylai’r gostyngiad yn nifer y myfyrwyr lleol beri cryn bryder i ni.  

“Mae myfyrwyr yn adrodd bod y cynllun yn brofiad addysgol gwych, felly byddai ymdrech ehangach i godi ymwybyddiaeth o’r rhaglen yn ei gwneud yn haws i recriwtio a byddai’n gam cyntaf hanfodol er mwyn ehangu’r ddarpariaeth feddygol yn y Gogledd. Gyda phob rhaglen o’r fath, mae angen datblygu enw da ac ymwybyddiaeth.”

DIWEDD 

Nodyn i Olygyddion:  

• Mae rhaglen C21 y Gogledd wedi bod yn rhedeg ers dwy flynedd a chyfanswm nifer y myfyrwyr a gomisiynir yw ugain y flwyddyn. 
• Ers mis Mai 2016, mae’r nifer llwybrau cleifion sy’n disgwyl 36 wythnos a mwy i ddechrau triniaeth wedi cynyddu o 4,078 i 50,143. 

Llun:  National Cancer Institute/UnSplash