Mae’r Gweinidog Cyllid a’r Trefnydd wedi rhoi sicrwydd y bydd ffocws ar welliannau a sicrhau gwerth am arian wrth i Lywodraeth Cymru ystyried cynlluniau Bwrdd Iechyd Prifysgol Betsi Cadwaladr ar gyfer 2020-21.

Daw’r ymrwymiad ar ôl i Janet Finch-Saunders, Aelod Cynulliad Aberconwy, holi’r Gweinidog am sefyllfa ariannol y bwrdd iechyd.

Meddai Janet am y mater:

“Rwy’n croesawu’r ffaith y bydd cynnydd o £400 miliwn yn y gyllideb iechyd a gofal cymdeithasol yng Nghymru yn 2020/21, ond mae’n rhaid i ni sicrhau nad yw’r arian hwn yn cael ei wastraffu a bod targedau gwariant yn cael eu cyrraedd.

“Mae gan Fwrdd Iechyd Prifysgol Betsi Cadwaladr hanes ariannol gwarthus.

“Cofnododd ddiffygion o £20 miliwn yn 2015-16, £30 miliwn yn 2016-17, £39 miliwn yn 2017-18 a £41 miliwn yn 2018-19.

“Hefyd, mae’n edrych fel y bydd gan y Bwrdd ddiffyg o £35 miliwn eleni, gan fethu’r targed gan £10 miliwn.

“Fel y dywedais wrth y Gweinidog Cyllid, mae’r Bwrdd wedi methu mantoli’r gylideb er iddo dderbyn £83 miliwn o gyllid mesurau arbennig.

“Yn hytrach na thaflu mwy o arian at Fwrdd sydd wedi dod yn wactod ariannol enfawr, rwy’n croesawu’r ffaith fod y Gweinidog wedi cytuno â mi bod angen ystyried gwastraff arian a gorwario yn ofalus.

“Wrth i ni symud ymlaen, mae’n rhaid i Lywodraeth Cymru sefyll yn gadarn a gwrthod cynigion y Bwrdd Iechyd os nad ydynt yn cynnig gwerth am arian.”

Nodiadau:

Questions to the Minister for Finance and Trefnydd: The Budget's Impact on North Wales

North Wales’ health board chair voices frustration as trust faces estimated £35m deficit