Mae diwrnod rhyngwladol pobl hŷn yn cael ei ddathlu’r wythnos hon, ac mae Janet Finch-Saunders, sy’n Aelod Cynulliad dros Aberconwy, yn Weinidog yr Wrthblaid dros Bobl Hŷn, ac yn Eiriolwr Pobl Hŷn y Ceidwadwyr Cymreig, wedi helpu i lansio adroddiad diweddaraf y Comisiynydd Pobl Hŷn, ac mae’n gweithredu i helpu i sicrhau bod trigolion yn cael eu grymuso.

Yr adroddiad a gafodd ei lansio oedd Cyflwr y Genedl: Trosolwg o Heneiddio yng Nghymru. Nod yr adroddiad yw casglu’r data sydd ar gael a darparu dadansoddiad er mwyn gwella ein dealltwriaeth o’r hyn sydd angen ei wneud i sicrhau mai Cymru yw’r lle gorau yn y byd i heneiddio.  

Ar ôl cymryd rhan yn y digwyddiad i lansio’r adroddiad a’r panel trawsbleidiol, meddai Janet:

“Roeddwn wrth fy modd yn helpu Comisiynydd Pobl Hŷn Cymru, Heléna Herklots CBE, i lansio ei hadroddiad ardderchog.

“Bydd hyn yn helpu ein hymdrechion diflino i sicrhau bod y rhai sy’n llunio polisïau ac yn gwneud penderfyniadau yn ystyried pobl hŷn.

“Mae meysydd allweddol sydd angen cymorth wedi’u nodi, gan gynnwys yr angen i ddileu rhagfarn ar sail oedran, sicrhau nad yw pobl hŷn yn cael eu cam-drin, a helpu pawb i heneiddio’n dda.

“Mae Sir Conwy yn ganolog i’r gwaith hwn, gan fod yr adroddiad yn cydnabod bod gennym y ganran uchaf o bobl hŷn 65 oed neu drosodd yng Nghymru.

“Rwy’n credu’n gryf mewn grymuso pobl hŷn er mwyn rhoi newid ar waith, ac rwy’n gweithio i gyflawni’r amcan hwn.

“Un rheswm pam rwy’n cynnal fy nigwyddiad Heneiddio’n Dda blynyddol ar 25 Hydref 2019 yw helpu i sicrhau bod fy etholwyr yn gwybod am y cymorth sydd ar gael, a’r hyn rwy’n ei wneud, i helpu i gyfoethogi bywydau pobl hŷn”.

DIWEDD

Nodiadau:

Cyflwr y Genedl: Mae pobl hŷn mewn perygl o fynd yn ‘anweledig’, yn ôl rhybudd y Comisiynydd

Cynhelir y digwyddiad Heneiddio’n Dda, a drefnir gan Janet Finch-Saunders AC, yn Ystafell Bodafon, Gwesty’r Imperial rhwng 14:30pm a 16:30pm ddydd Iau 25 Hydref 2019. Mae croeso i bawb sydd am ddysgu mwy am gyfleoedd iechyd, llesiant, cyflogaeth, addysg, diogelwch a chymorth. I archebu lle yn y digwyddiad, ffoniwch 01492 871198 neu e-bostiwch janet.finch-saunders@cynulliad.cymru

Llun:

Janet Finch-Saunders AC gyda Dai Lloyd AC, Julie Morgan AC, a Heléna Herklots CBE, Comisiynydd Pobl Hŷn Cymru