Mae Janet Finch Saunders AC, Gweinidog Gofal Cymdeithasol yr Wrthblaid y Ceidwadwyr Cymreig, wedi galw am fwy o drafod rhwng cartrefi gofal, Byrddau Iechyd y GIG ac Awdurdodau Lleol i wella safon gofal ar gyfer pobl mewn cartrefi gofal.
Ar hyn o bryd, mae mwy na 15,000 o bobl 65 oed a hŷn yn byw mewn cartrefi gofal yng Nghymru. Y cyfartaledd oedran ar gyfer symud i gartref gofal yw 83 oed gyda’r arhosiad ar gyfartaledd tua dwy flynedd a hanner.
Wrth siarad yn y Cynulliad Cenedlaethol yr wythnos hon, roedd Finch Saunders am dynnu sylw at beth o’r gwaith rhagorol y mae cartrefi gofal yn ei wneud a mynegi pryderon bod nifer y cartrefi gofal yng Nghymru wedi gostwng o 30 cartref mewn llai na blwyddyn. Yn syfrdanol, rhagwelir y bydd 16% o gartrefi gofal yng Nghymru wedi cau o fewn pum mlynedd.
Fel rhan o alwad Janet am fwy o drafod, hoffai Gweinidog yr Wrthblaid weld:
- System Wybodaeth am Ofal yn y Gymuned, gan ddigideiddio cofnodion cleifion, er mwyn i staff y cartref gofal gael mynediad at wybodaeth berthnasol am eu cleient er budd eu gofal
- Cynnwys lleoliadau hyfforddiant nyrsio mewn cartrefi gofal, gan alluogi gwell dealltwriaeth o’r gwahanol rolau o fewn y sector
- Defnydd mwy helaeth o staff cartref gofal, ar ôl eu hyfforddi, i gynnal archwiliadau rheolaidd o gleientiaid, gan gynnwys pwysau gwaed a darllen tymheredd i ysgafnhau’r pwysau ar gyfleusterau’r GIG.
Meddai Janet Finch Saunders, AC:
“Mae gan staff cartrefi gofal wybodaeth gyfoethog a allai drawsnewid gofal rhai cleifion mewn ysbytai. Rydw i eisoes wedi derbyn cadarnhad ysgrifenedig bod y byrddau iechyd yn cael trefnu clinigau galw heibio mewn lleoliadau y tu allan i’r GIG, ac yn gwybod bod rhai cartrefi yn awyddus i agor eu drysau i’r gymuned leol lle mae modd gwneud hynny, er enghraifft, trwy gynnal clinigau therapi mewnwythiennol.
“Wrth ymweld â chartrefi gofal, rydw i wedi gweld yr angerdd sydd gan y staff sy’n gofalu am eu cleifion, ac wedi bod yn falch gwrando ar sut maen nhw, y bobl sy’n gweithio yn y sector, yn meddwl y gallen ni wneud mwy i ofalu am gartrefi gofal a sicrhau cynaliadwyedd y sector wrth i fyw o bobl fyw’n hŷn.”
DIWEDD
Nodiadau i olygyddion
- Mae testun llawn araith Janet ar gael yma: https://janetfinchsaunders-admin.conservativewebsites.org.uk/news/short-debate-caring-care-homes-how-we-could-do-more-care-care-homes-wales