Mae Janet Finch-Saunders, yr Aelod o’r Senedd dros Aberconwy, wedi sôn am yr angen i fusnesau twristiaeth gael gwybod ble maen nhw'n sefyll o ran ailagor y sector.
Daw'r sylwadau yn dilyn galwadau gan y sector twristiaeth a chyn ei chyfres o fforymau rhithwir y bydd hi'n eu defnyddio i gynnal trafodaethau â busnesau lleol (Aberconwy):
- Fforwm Gwestywyr: 9:30 – 11:00am 10/02/2021
- Fforwm Cyfleusterau Hunanarlwyo: 9:30 – 11:00am 17/02/2021
- Fforwm Tafarndai, Bariau a Bwytai: 9:30 – 11:00am 24/02/2021
- Fforwm Tai Gwestai a Chyfleusterau Gwely a Brecwast: 9:30 – 11:00am 3/03/2021
Wrth sôn am bwysigrwydd darparu cefnogaeth ac eglurder hanfodol i dwristiaeth, dywedodd Janet:
“Mae busnesau twristiaeth angen gwybod ble maen nhw'n sefyll, a dylen nhw fod yn ganolog i ddatblygu cynlluniau Llywodraeth Cymru.
“O barciau gwyliau i westai, mae gan y sector cyfan yr hawl i wybod sut i gynllunio ar gyfer y dyfodol.
“Mae angen amser arnyn nhw i drefnu i recriwtio a hyfforddi staff, prynu stoc a rhywfaint o sicrwydd ynghylch pryd y gallan nhw ddisgwyl derbyn gwesteion unwaith eto.
“Er bod y coronafeirws yn gwneud yr hinsawdd yn ansicr ac yn heriol iawn i unrhyw lywodraeth, dylai Llywodraeth Cymru greu map ffordd fel y gall y sector yma yn Aberconwy gael rhyw fframwaith i weithio gydag ef. Ar hyn o bryd, dydyn nhw ddim yn gwybod ble maen nhw'n sefyll”.
DIWEDD