Mae Janet Finch-Saunders AS – Aelod o’r Senedd dros Aberconwy – wedi gofyn eto i fonws gofal cymdeithasol £500 Llywodraeth Cymru cael ei ymestyn i’r rhai sy’n gweithio yn hosbisau’r wlad.

Mae Mrs Finch-Saunders wedi bod yn ymgyrchu i ymestyn cymhwystra’r bonws ers cryn amser. Yng nghyfarfod llawn y Senedd yr wythnos diwethaf, gofynnodd i Weinidog Iechyd a Gwasanaethau Cymdeithasol Cymru godi mater ymestyn y taliad i weithwyr hosbisau ar unwaith gyda’r Prif Weinidog.

Gan roi ei sylwadau ar y sefyllfa, dywedodd:

“Rwy’n erfyn ar Lywodraeth Cymru i wneud y peth iawn ac ymestyn y meini prawf cymhwystra  i’r rhai sy’n gweithio yn hosbisau ein cenedl, er mwyn cydnabod ymroddiad anhunanol aelodau staff.

“Rwy’n edmygu gwaith diflino gweithwyr hosbisau drwy’r pandemig hwn. Maen nhw’n chwifio baner ein gwlad drugarog, gan ddarparu gofal uniongyrchol i rai o bobl fwyaf bregus ein cymdeithas.

“Ers yn rhy hir, dydy ein hosbisau ddim wedi bod yn derbyn cyllid digonol gan Lywodraeth Lafur Cymru. Ni all fod yn iawn fod y sefydliadau hyn yn dibynnu cymaint ar roddion gan y cyhoedd, a hwythau’n darparu gofal lliniarol hollbwysig i rai â chyflyrau terfynol a chyflyrau sy’n cyfyngu ar eu bywydau.

“Mae’n rhaid i Vaughan Gething ymchwilio ar unwaith i sut gall ei weinyddiaeth roi’r taliad llawn o £500 i’r holl staff cymorth sy’n gweithio yn hosbisau ein gwlad.”

DIWEDD