Nifer yr Achosion o Hunanladdiad ymysg Dynion yn parhau’n uwch yng Nghymru na Lloegr

Male

Mae Janet Finch-Saunders, Aelod Cynulliad Aberconwy, wedi galw am gynyddu’r cymorth sydd ar gael ar gyfer codi ymwybyddiaeth o faterion iechyd meddwl. Daw hyn wrth i ffigurau ddatgelu mai cyfraddau hunanladdiad Cymru yw’r ail uchaf o blith holl ranbarthau Prydain, ac mae’r cyfraddau ymysg dynion yn sylweddol uwch na’r cyfraddau ymysg menywod.

 

Meddai Janet Finch-Saunders yr Aelod Cynulliad Lleol:

 

“Mae’r ffigurau hyn yn creu darlun llwm iawn i gymaint o bobl sydd mewn anobaith llwyr, eu teuluoedd a’u hanwyliaid. Mae pob marwolaeth drasig yn stori dorcalonnus, a chydymdeimlaf yn fawr â phawb sydd wedi cael eu heffeithio gan hunanladdiad mewn unrhyw ffordd.

 

“Ni ddylai unrhyw un sy’n cael meddyliau hunanddinistriol deimlo ei fod ar ei ben ei hun neu heb unrhyw gymorth, ac rydw i’n pwyso ar unrhyw un sy’n teimlo fel hyn, neu sy’n adnabod rhywun a allai fod angen cymorth, i droi at y cymorth hwnnw – cysylltwch â’ch meddyg teulu neu gallwch ofyn i ffrind.

 

“Gall siarad yn agored fod yn andros o anodd, ond mae cymorth ar gael, ac mae’n rhaid i ni weithio er mwyn hyrwyddo hyn a gwneud yn siŵr bod y neges hon yn cyrraedd pawb sydd ei hangen.

 

“Mae yna sefydliadau gwych yn Aberconwy sy’n cynnig gwasanaethau cymorth, gwrando, eirioli a chyngor.

Er mwyn cysylltu â’r Samariaid, ffoniwch 08457 90 90 90, e-bostiwch jo@samaritans.org neu gallwch ddod o hyd i fanylion eich cangen leol yn www.samaritans.org.

 

Nodiadau:

 

Mae’r set data lawn, gan gynnwys y dadansoddiad yn ôl gwlad, oedran a rhyw, ar gael yma: https://www.ons.gov.uk/peoplepopulationandcommunity/birthsdeathsandmarr…  

 

Yn benodol:

  • Yn gyffredinol, mae cyfradd hunanladdiad ymysg dynion, oedran benodol, tua theirgwaith yn uwch na’r gyfradd ymysg menywod.
  • Mae’r gwahaniaeth mwyaf rhwng dynion (14.9*) a menywod (3.3) rhwng 80 ac 84 oed, lle mae dynion yn y grŵp oedran hwn bedair a hanner gwaith yn fwy tebygol o farw o hunanladdiad.
  • Mae dynion rhwng 15 a 19 oed (7.1) ddwy a hanner gwaith yn unig yn fwy tebygol o farw o hunanladdiad na menywod (2.9).

Mae cyfradd hunanladdiad dynion canol oed, yn benodol y rhai rhwng 40 a 44 oed (23.7), a 90 a hŷn (22.6), yn arbennig o uchel.

 

 

Photo credit: mattwalker69, Flickr