Cynhelir cyfarfod llawn Senedd Ewrop yn Strasbourg yr wythnos hon, ynghyd â nifer o gyfarfodydd Pwyllgor a aildrefnwyd o’r wythnos flaenorol (o ganlyniad i’r toriad pŵ

er ar safle’r UE ym Mrwsel ar 19 Medi). Ymhlith y pynciau a fydd o ddiddordeb i bwyllgorau’r Cynulliad yr wythnos hon y mae cyfarfod y Pwyllgor Pysgodfeydd, y disgwylir iddo gytuno ar y rapporteurs ar gyfer y pecyn o gynigion deddfwriaethol i ddiwygio’r Polisi Pysgodfeydd Cyffredin (a gyhoeddwyd ym mis Gorffennaf); a Phwyllgor y Farchnad Fewnol a Diogelu Defnyddwyr, y disgwylir iddo fabwysiadu ei adroddiad ar Foderneiddio Caffael Cyhoeddus, a rhagwelir y bydd pleidlais yn y cyfarfod llawn ddiwedd mis Hydref. Barn Senedd Ewrop yw’r rhan olaf yng ngwaith paratoi'r Comisiwn Ewropeaidd (a oedd yn cynnwys ymgynghoriad cyhoeddus yn gynharach eleni) cyn cyhoeddi cynigion deddfwriaethol (y’u disgwylir cyn diwedd 2011) ar gyfer diwygio cyfarwyddebau presennol yr UE ar gaffael cyhoeddus.

Cynhelir diwrnod Ewropeaidd ieithoedd ar 26 Medi, a bydd nifer o ddigwyddiadau yn cael eu cynnal ar draws Ewrop er mwyn dathlu amrywiaeth ieithyddol.