O ystyried mai cynhyrchiant llafur yw un o’r prif fesurau a ddefnyddir i fesur perfformiad economaidd, mae Janet Finch-Saunders AC wedi sôn am ‘argyfwng cynhyrchiant’ yn y gogledd-orllewin ar ôl canfod bod ei werth ychwanegol gros fesul awr a weithiwyd yn 2016 28% yn is na chyfartaledd y DU.
Ar ôl Powys, roedd gan y tri chategori yn y gogledd-orllewin y lefel cynhyrchiant isaf yng Nghymru: Conwy a Sir Ddinbych - 27.6% ar ei hôl hi; Ynys Môn – 27.8 ar ei hôl hi; a Gwynedd – 28.6 ar ei hôl hi.
Meddai Janet:
“Mae difrifoldeb y sefyllfa’n amlwg wrth ystyried, yn ogystal â bod gan y gogledd-orllewin rai o’r lefelau cynhyrchiant isaf yng Nghymru, mai Cymru ei hun oedd â’r lefel cynhyrchiant isaf o blith gwledydd a rhanbarthau y DU yn 2016: 17% yn is na chyfartaledd y DU.
“Wrth edrych ar y ffigurau hyn nid oes amheuaeth ar ôl 19 blynedd o fod mewn grym yn Llywodraeth Cymru bod Llafur Cymru’n methu economi Cymru, a’r gogledd-orllewin yn enwedig.
“Fis Tachwedd y llynedd, galwais ar Lywodraeth Cymru i wneud mwy i annog twf economaidd a hyder ymysg busnesau yn y gogledd-orllewin drwy lunio strategaeth ar gyfer y rhanbarth.
“Mae angen strategaeth gref gan Lywodraeth Cymru ar gyfer y gogledd-orllewin nawr yn fwy nag erioed, er mwyn hybu twf economaidd a mynd i’r afael â’r argyfwng cynhyrchiant”.
Ffigur: