Heddiw (20 Tachwedd), mae Janet Finch-Saunders AS - Aelod o’r Senedd dros Aberconwy - wedi ymweld ag Ewe Felty Thing yn Llandudno, fel rhan o’i hymgyrch Addewid Gwlân Cymru. Daw’r ymweliad wrth i Sadwrn Busnesau Bach 2020 agosáu. Agorwyd yn siop yn 2018 gan Nikki Small ac mae’n gwerthu gwlân o bob math ac o bob cwr o Ynysoedd Prydain.

Fel Cadeirydd y Gynghrair Gwehyddion, Troellwyr a Lliwyddion lleol, bu Nikki yn trafod gyda Janet ei phryderon am ffermio, cael gafael ar wlân, ei baratoi a’i gyflenwad. Fel arfer, mae’r siop yn cynnal sawl sesiwn hyfforddi a grwpiau ‘crefft a sgwrs’ ac mae Nikki’n gobeithio sefydlu platfform cwrs celf a chrefft ar-lein, Craftucation, yn sgil y pandemig presennol i addysgu pobl sydd am ddysgu neu sydd am loywi eu sgiliau.

Yn trafod ei hymweliad, dywedodd Janet:

“Am siop grefftau hyfryd ac unigryw yw Ewe Felty Things! Hoffwn ddiolch o waelod calon i Nikki am roi o’i hamser i ddangos yr eitemau hyfryd y mae’n eu cynhyrchu, ynghyd â mynd â mi drwy’r deunyddiau crefft a dillad eraill sydd ar gael yn y siop leol wych hon.

“Fel Cadeirydd y Gynghrair Gwehyddion, Troellwyr a Lliwyddion lleol, bu Nikki’n sôn am ei anhawster i gael gafael ar wlân Cymreig i gwsmeriaid, sy’n gallu bod yn arw yn aml ac felly’n gwneud deunydd inswleiddio gwych ar gyfer carpedi. Dywedodd fod nifer o gwsmeriaid yn dod ati’n arbennig i gael gafael ar y deunydd lleol hwn.

“Mae’r ymgyrch Addewid Gwlân Cymreig yn ceisio hyrwyddo’r defnydd o’r ffeibr naturiol gwych hwn ar bob lefel ac felly rwy’n croesawu gwaith Nikki wrth iddi geisio annog ei ddefnydd ymhlith selogion. Dangosodd ein sgwrs bod awydd amlwg gan grefftwyr i ddefnyddio’r deunydd hwn. Sy’n galonogol yn ystod yr her unigryw hon i’r diwydiant.

"Mae'r pandemig wedi golygu bod llawer o fusnesau bach wedi gorfod arallgyfeirio eu gweithgareddau ac mae'r newyddion bod Nikki am sefydlu platfform cwrs celf a chrefft ar-lein, Craftucation, yn ddim ond un enghraifft wych o'r ysbryd entrepreneuraidd lleol sy’n parhau. Rwy’n annog crefftwyr lleol i arfogi’u hunain â’u nodwyddau a chefnogi'r rhyfeddod gwlanog lleol hwn!"

DIWEDD

Nodiadau i Olygyddion:

· Gallwch ymweld â ni yn Ewe Felty Thing yn 22 Stryd Madog, Llandudno, LL30 2TL. Gallwch ffonio Nikki ar 01492 878510. Am ragor o wybodaeth, ac am y siop ar-lein, ewch i www.ewefeltything.co.uk.

Ffoto: Janet Finch-Saunders AS a Nikki Small